Para completar o exercicio que vos pasei antes do Nadal, atención a estas propostas do partido democrático:
O Estado debe recoñecer e garantir a todos os cidadáns (...): A seguridade individual. A inviolabilidade do domicilio. A propiedade. A liberdade de conciencia. A de exercer a súa profesión, oficio ou industria. A de manifestar, transmitir e propagar o seu pensamento de palabra, por escrito ou doutra forma. A de reunión pacífica (...). A de asociación (...). O dereito a unha igual participación de todas as vantaxes e dereitos políticos. O dereito a un repartimento equitativos e proporcional das contribucións e do servizo militar. O de ser xulgado e condenado pola conciencia pública (...). Os pobos son administrados por concellos de elección popular.
Programa de goberno da extrema esqueda do Congreso. 6-4-1849.
1. Cal é o tema deste texto?
2. Que expresa o partido democrático con relación a dereitos e liberdades?
3. En que se diferencian as propostas democráticas das moderadas e progresistas?
Unha aclaración: o de ser xulgado e condenado pola conciencia pública fai referencia ao xurado popular.
Texto recollido das propostas didácticas para Ciencias Sociais de 4º da ESO do manual de Consorcio Editorial.
